Eguerdion Amurrioko herria!

Herriarenak aurten ospakizunetan dabil bere 25.urteurrena dela eta. 25 urte dira herri honetako gazte batzuk bildu eta jaietan, zein herriaren aurrean ahots propioa izatea erabaki zutenetik. Herrirako koadrila sortu zuten herriko gazteak.

Herriarenak, 25 urtetan zehar bidezko gizarte baten alde lan egin duen taldea, euskal herri berdeago baten alde lan egin duena, ezarritako aisiari alternatibak bilatu diona, jai herrikoiago eta euskaldunago batzuen alde lan egin duena, herri honetan euskarak izan beharko lukeen lekua emateko eta era berean euskal herriko kultura zein ohiturak garatu daitezen lan egin duena.

25 urte euskal herriari nazio moduan egokitzen zaizkion eskubideak aldarrikatzen, Amurrioko zein euskal herri osoko errepresaliatuen eskubideak aldarrikatzen; gure herriaren aurka eta bereziki gazteen eta emakumeen aurka sistemak eta zehazki estatuek jarduten duten errepresio politiko, polizial zein sozialaren aurka borrokatzen. Oro har, 25 urte lan egiten, borrokatzen, aldarrikatzen eta jaietaz gozatzen.

Gogorarazi behar dugu duela 25 urte, diktadura baten irteeran eta beste baten sarreran, estatuak 40 urtez jazarrita izandako herriari instituzioetan, aurrean dugun udaletxean, lan egiteko eta parte hartzeko aukera eman ziola. Eta gaur, 25 urte beranduago, herriko parte bati segitzeari utzi ez ezik, hauek udaletxe honetatik bota egin dituzte euskal herriko beste herrietan gertatu den bezala; 40 urte horietan ere gure herrian jarraituak izan ziren batzuen txalo eta kolaborazio lotsagarriarekin.

Hala ere ezin ahaztu Herriarenakek eta Amurrioko herriak badutela zer ospatzerik; horregatik nahiko genuke gurekin jaietan zein 25. urteurren honetan parte hartu dezazuela; Herriarenaken egondako jendeari gonbitea luzatzen diegu San Antonen prestatzen ari garen bazkarian parte har dezaten eta era berean antolatu ditugun beste ekintza guztietan ere. Herriarenak gutxienez beste 25 urtez den talde alai eta errebelde izan dadin, herritik eta herrirako sortutakoa.

Mila esker Amurrio eta ondo pasa jaietan!